DE PARTICIPACIÓN EN COMPETICIÓNS

Co obxectivo de mellorar a organización das saídas, facilitar a planificación das familias e adaptar o funcionamento ao crecemento de Escola Judo Club, establecemos os seguintes criterios de participación en competicións para a tempada 2026/27.

A participación en competicións forma parte do proceso formativo dos nosos deportistas, pero non todas as competicións teñen o mesmo obxectivo nin requiren o mesmo nivel de compromiso.

Por este motivo, diferenciamos entre competicións de formación e competicións do circuíto nacional / Copas de España.

🌱 1. COMPETICIÓNS DE FORMACIÓN

Son competicións destinadas principalmente ás categorías de base e a aqueles deportistas que están iniciándose ou adquirindo experiencia competitiva.

O club participará nas ligas Rías Altas, Serpe Golden league e en aqueles campionatos nos que sexamos invitados sempre e cando o calendario o permita.

Habitualmente estarán orientadas ás categorías Benxamín e Alevín, aínda que o club poderá incluír outras categorías cando considere que a actividade ten un carácter formativo adecuado.

🎯 Obxectivo

O principal obxectivo destas competicións é aprender a competir.

Buscamos que os deportistas poidan:

🥋 Coñecer progresivamente o funcionamento dunha competición.
💪 Aprender a xestionar nervios, vitorias e derrotas.
🤝 Compartir experiencias cos seus compañeiros.
🌱 Adquirir autonomía e confianza.
😊 Desfrutar da competición como unha parte máis da súa aprendizaxe.

O resultado deportivo non será o criterio principal de participación.

👨‍🏫 Acompañamento técnico

Sempre que sexa posible, o club facilitará a presenza dun adestrador ou adestradora para acompañar aos deportistas durante a competición.

Como criterio organizativo, establecerase unha referencia aproximada de 1 adestrador/a por cada 10 deportistas.

👨‍👩‍👧 Desprazamento

Nestas competicións, as familias serán as responsables do desprazamento dos deportistas ata o lugar de celebración.

O club comunicará previamente toda a información dispoñible sobre horarios, pesaxes, lugar de competición e demais cuestións organizativas.

💶 Custos

Para as actividades locais ou competicións de formación nas que sexa necesario asumir gastos de organización e acompañamento técnico, establécese unha achega de:

6 € por deportista.

Para poder organizar a actividade nas condicións previstas polo club será necesario contar cun mínimo de 15 deportistas inscritos.

Se non se alcanza o mínimo necesario, o club poderá modificar as condicións da saída ou comunicar a imposibilidade de prestar acompañamento técnico.

🥋 2. COMPETICIÓN AUTONÓMICA

Infantil · Cadete · Júnior

Este nivel está dirixido aos deportistas das categorías Infantil, Cadete e Júnior que queren participar en competicións e continuar adquirindo experiencia, pero que non forman parte necesariamente do programa de saídas ás Copas de España e ao circuíto nacional.

O obxectivo é ofrecer un calendario competitivo adaptado aos diferentes niveis de implicación e evolución dos nosos deportistas, permitindo competir, aprender e seguir progresando principalmente dentro de Galicia.

🎯 OBXECTIVO

A competición autonómica busca:

🥋 Continuar adquirindo experiencia competitiva.
📈 Favorecer a evolución técnica e táctica.
💪 Aumentar progresivamente o nivel de esixencia.
🤝 Manter a competición como parte do proceso formativo.
🌱 Facilitar a progresión cara ao circuíto nacional cando corresponda.

Participar neste nivel non implica a obriga de formar parte do programa de Copas de España nin realizar saídas fóra de Galicia.

🏆 COMPETICIÓNS INCLUÍDAS

Dentro deste nivel incluiremos principalmente aquelas competicións celebradas en Galicia que o equipo técnico considere adecuadas dentro da planificación da tempada.

Entre elas:

🥋 Circuíto Rías Altas
🐍 Serpe Golden League
🏆 Campionato Autonómico
🇪🇸 Copas de España celebradas na propia Comunidade Autónoma

Poderán incorporarse outras competicións de características similares que aparezan durante a tempada e que o equipo técnico considere de interese.

No caso das Copas de España celebradas en Galicia, poderán participar os deportistas deste nivel que conten coa valoración favorable do equipo técnico.

A participación nunha destas Copas non supón automaticamente a incorporación ao programa de saídas ao circuíto nacional.

📋 PARTICIPACIÓN

Neste nivel non será necesario cumprir os volumes mínimos de adestramento establecidos para o programa de Copas de España, aínda que será recomendable manter unha asistencia regular que permita afrontar as competicións cunha preparación adecuada.

O equipo técnico poderá orientar a cada deportista cara ás competicións máis axeitadas segundo a súa idade, experiencia, nivel e evolución deportiva.

👨‍🏫 ACOMPAÑAMENTO TÉCNICO

Nas competicións incluídas neste nivel, Escola Judo Club organizará o acompañamento técnico tomando como referencia:

👨‍🏫 1 ADESTRADOR/A POR CADA 10 DEPORTISTAS

Deste xeito buscamos garantir unha atención adecuada durante a competición e, ao mesmo tempo, manter unha organización sostible das saídas.

💶 CUSTO DE ACOMPAÑAMENTO

Para estas competicións establécese unha achega de:

6 € POR DEPORTISTA

Esta achega estará destinada a cubrir os gastos derivados do acompañamento técnico e organización da actividade.

A este importe poderá engadirse, cando corresponda, o custo da inscrición establecido pola organización da competición.

Se para unha actividade concreta existisen outros gastos —transporte, aloxamento ou similares—, estes serán comunicados previamente.

🚗 DESPRAZAMENTOS

Con carácter xeral, as familias serán responsables do desprazamento dos deportistas ata o lugar de celebración da competición.

No caso de que Escola Judo Club organice transporte conxunto para unha actividade determinada, comunicarase previamente ás familias a organización e o custo correspondente.

📈 UNHA VÍA DE PROGRESIÓN

A competición autonómica tamén funcionará como unha vía de progresión cara ao programa de tecnificación e circuíto nacional.

Un deportista poderá participar inicialmente neste nivel e incorporarse posteriormente ao programa de Copas de España cando a súa evolución, nivel, asistencia e compromiso así o aconsellen.

Do mesmo xeito, o equipo técnico poderá recomendar que un deportista se centre temporalmente nas competicións autonómicas para sumar combates, experiencia e confianza antes de afrontar competicións de maior esixencia.

PARTICIPACIÓN EN COPAS DE ESPAÑA / CIRCUÍTO NACIONAL

As Copas de España e o circuíto nacional representan un nivel superior de competición, orientado ao rendemento, á evolución deportiva e á clasificación nacional 💪

🎯 OBXECTIVO DEPORTIVO

👉 Participar neste tipo de competicións implica:
✔️ Buscar rendemento deportivo
✔️ Sumar experiencia a nivel nacional
✔️ Formar parte dun proceso de mellora continua

👉 Non é unha actividade puntual, senón parte dun camiño deportivo estruturado.

📋 REQUISITOS DE PARTICIPACIÓN

Para poder optar á participación será necesario cumprir:

✔️ Asistencia regular aos adestramentos
✔️ Compromiso co grupo e co plan deportivo
✔️ Actitude dentro e fóra do tatami
✔️ Participación en competicións previas

👉 O incumprimento destes requisitos poderá supoñer a non inclusión nas convocatorias.

🏋️ ESIXENCIA DE ADESTRAMENTO

👉 Para formar parte do circuíto nacional será obrigatorio cumprir co seguinte volume de adestramento:

👦 Categoría Infantil
✔️ 3 sesións semanais de judo
✔️ 1 sesión semanal de preparación física

🧑‍🎓 A partir de Cadete (Cadete, Junior, Senior)
✔️ 3 sesións semanais de judo
✔️ 2 sesións semanais de preparación física

👉 Os deportistas que non cumpran estas esixencias de maneira regular non serán incluídos nas convocatorias.

🧠 CRITERIOS TÉCNICOS

👉 A participación dependerá de:
✔️ Nivel técnico e evolución
✔️ Resultados deportivos
✔️ Criterio do equipo técnico

👉 En caso de prazas limitadas:
🔸 Aplicarase unha convocatoria interna do club

🚌 ORGANIZACIÓN DAS VIAXES

👉 As saídas realizaranse como equipo de club, fomentando:
✔️ A convivencia
✔️ A responsabilidade
✔️ A autonomía

👉 Con carácter xeral:
🚫 Non asistirán as familias ás viaxes organizadas polo club

👉 Só se contemplarán excepcións en casos puntuais:
✔️ Idade do deportista
✔️ Situacións específicas valoradas polo equipo técnico

👉 Estas excepcións deberán ser autorizadas previamente polo club.

💰 CUSTOS DE PARTICIPACIÓN

👉 A participación implicará os seguintes custos:

✔️ Inscrición á competición: 30€
✔️ Gastos de desprazamento
✔️ Aloxamento (hotel)
✔️ Gastos do adestrador acompañante

👉 Os gastos do adestrador serán repartidos entre todos os deportistas participantes.

👉 O custo total de cada saída será comunicado previamente.

👨‍🏫 ACOMPAÑAMENTO TÉCNICO

👉 O club designará adestrador/es responsables que:
✔️ Dirixirán a competición
✔️ Coordinarán a viaxe
✔️ Tomarán decisións técnicas

🤝 COMPROMISO

👉 A participación neste circuíto implica:
✔️ Responsabilidade
✔️ Implicación co equipo
✔️ Representar ao club con valores

👕 NORMATIVA DE EQUIPACIÓN – DEPORTISTAS
🥋 En todas as saídas, competicións e concentracións será obrigatorio utilizar a equipación oficial do club:
👕 Polo oficial
👖 Pantalón do chándal oficial
🧥 Chaqueta de abrigo oficial
☀️ En caso de calor, poderase substituír o pantalón do chándal por un pantalón curto negro liso.
🎒 Cada deportista será responsable de preparar, levar e coidar a súa propia equipación. Recomendamos marcar todas as prendas co nome.
📸 Nas fotografías, entregas de medallas e actos oficiais utilizarase a equipación que indiquen os adestradores.
🤝 A equipación entrégase gratuitamente grazas ao apoio dun patrocinador do club. Este patrocinio supón un investimento importante para que todos os nosos deportistas poidan ir correctamente equipados.
Por respecto a quen confía e inviste no noso proxecto, é lóxico que teñamos que utilizar e dar visibilidade á equipación que nos proporcionan. Se non cumprimos con esta parte, tamén podemos poñer en risco a continuidade deste tipo de colaboracións.
⚠️ INCUMPRIMENTOS
👉 Un esquecemento puntual pode ocorrer e tratarase como tal.
👉 Se un deportista incumpre de maneira reiterada a normativa de equipación, o club poderá deixar de asumir gratuitamente o custo da súa equipación e a familia deberá aboar o seu importe.
👉 A perda ou deterioro por mal uso tamén será responsabilidade do deportista e a súa reposición correrá a cargo da familia.
💙 Non buscamos sancionar por sancionar. Buscamos crear responsabilidade, disciplina e compromiso co equipo e coas persoas e empresas que nos axudan a seguir medrando